कविता : स्पेशल भेळ | संतराम नाना पाटील | आयुष्य
दुनिया आहे गोल
खर्याला नाही मोल
भावा खोटं सारं बोल
पण जरा रेटूनच बोल ...
खोट्यासंग खरं जळत
वाळक्या संग ओल जळत
खरं फासावर लटकताच
खोटं खोटं कळकळत ....
सत्य राही उपाशी
असत्य खातो तुपाशी
ही आहे दुनियादारी
जाईल तिथे उधारी ....
म्हणे दुनिया आहे गोल
असत्याचे वाढले मोल
सगळे विषय आहेत खोल
माणूस झाला माती मोल ....
मग बोलण्याच्या बढाया
आपपसात होती लढाया
मिळकत होतेय कमी कमी
कर्जे लागलीत वाढाया ....
...... म्हणून ......
दुनियादारी नुसता खेळ
खर्या खोट्याचा नाही मेळ
बरी नाही कुणाचीच वेळ
जगणं झालय स्पेशल भेळ....
रचना
मो.नं. 9096769554
टिप्पण्या
टिप्पणी पोस्ट करा