कविता - मीच फक्त चांगला आहे

*मीच फक्त चांगला आहे* 

*बाकी सगळे वाईट* 

*तुम्हीच सांगा ही भूमिका* 

*Wrong आहे का Right ?*

*स्वतःला " हिरो " ठरवतांना*

*दुसऱ्याला " व्हिलन " करू नको* 

*विनाकारण गाऱ्हाणे करत* 

*इकडून तिकडे फिरू नको* 

*पुढच्या क्षणी काय घडणार*

*कुठे कुणाला माहीत असतं* 

*विकेट कशी , कधी पडणार* 

*कुणालाही ठाऊक नसतं*

*अपॉइंटमेंट घेऊन कधी*

*यमराज घरी येतो का ?*

*गयावया केली म्हणून*

*कुणाला सोडून देतो का ?*

*यमा,तुझ्या रेड्यावर मी*

*डबलसीट बसणार नाही* 

*ठीक आहे बसू नकोस* 

*असं कधीच असणार नाही* 

*मनात असो किंवा नसो*

*यमाच्या मागे बसावंच लागतं*

*श्रीराम जयराम म्हणत म्हणत* 

*मसनवाट्यात जावंच लागतं* 

*चोवीस तासाच्या आत तुला*

*रॉकेल टाकून फुकुन देतील*

*कवटी फुटो न फुटो*

*घरी लवकर पळून जातील*

*मूर्ख माणसा,त्याच्यामुळे* 

*प्रत्येक क्षण जगून घे*

*सखी सोबत पावसा मध्ये* 

*चिंब चिंब भिजून घे*

*घर घर ,काम काम*

*चोवीस तास तेच ते* 

*इतकं सोनं , तितके पैसे*

*वेड्या माणसा सोडून दे*

*घण्याच्या बैला जागा हो* 

*थोडी तरी मजा कर* 

*हिरव्या हिरव्या झाडा सोबत* 

*कधी तरी दोस्ती कर* 

*दशम्या , धपाटे , पिठलं ,भाकरी*

*जे जमेल ते घे*

*लसणाच्या ठेच्या सोबत*

*शेंगदाणे अन कांदा घे*

*घरात बसून कुढण्या पेक्षा* 

*टेकडी किंवा डोंगर चढ* 

*नयनरम्य निसर्गाच्या* 

*गळ्या मध्ये जाऊन पड*

*गंभीर चेहरा केला म्हणून* 

*समस्या कधी सुटतात का ?*

*कुठलीच मजा न करता* 

*येड्या,डोळे मिटतात का ?*

*चल उठ बॅग भर* 

*फुकट गाऱ्हाणे करू नको* 

*विनाकारण रोज रोज*

*थोडं थोडं मरू नको*

———————————-

टिप : -{ लेख कसा वाटला कमेंट मध्ये नक्की कळवा }- सदर लेख आवडल्यास नक्की शेअर करा ✅