◾गीत :- गणपती महिमा सांगणारे गाणे
🌻 आनंदी पहाट 🌻
⚜️⚜️⚜️⚜️⚜️
शब्दप्रभू जगदीश खेबूडकर
"माझी परंपरा कोण चालवेल ही चिंता या जगदीश खेबूडकर पोराने मिटवली".. इति गदिमा.
आपल्या क्षेत्रातील दुसऱ्या प्रतिभावंताला दिलखुलास दाद देणारे.. कौतुक करणारे.. मोठेपणा मान्य करणारे लोक फारच थोडे. गदिमां यापैकीच एक.
जेव्हा मराठी चित्रपटात गीतकार म्हणून गदिमांचा एकछत्री अंमल होता तेंव्हा जगदीश खेबूडकरांचा प्रवेश झाला. लवकरच हे नाव सर्वोतमुखी झाले. गदिमांचेही याकडे बारीक लक्ष होते. खेबूडकर यांची गीते विविधांगी तरीही सकस.. ते पण सहजसुलभ भाषेत हे गदिमांना मान्य होते.
"हा.. पूढे माझीही आठवण विसरायला लावेल.." अशी गदिमांनी सर्वासमक्ष केलेली स्तुती ऐकताच तत्काळ खेबूडकर म्हणाले.. "गदिमा हे हिमालय आहेत.. मी गदिमांच्या पाऊलवाटेवर चालतोय.. त्यांचे ठसे समुद्राच्या वाळूवरचे नाहीत, तर पाषाणावरचे कधीच न मिटणारे ठसे आहेत.. मी हा हिमालय चढणार नाही, तर या भव्य हिमालयाला प्रदक्षिणा घालेल.." असे आपले शिष्यत्व खेबूडकरांनी जगजाहीर केले. एकमेकांचा सन्मान करणारी ही गुरुशिष्य जोडी.
खेबूडकरांवरही या चौदा विद्या चौसष्ट कलेच्या अधिपतीची कृपा होती. अन्यथा एवढे लिखाण अशक्यच.
अष्टविनायकांचे वर्णन आणि महिमा किमान शब्दांत खेबूडकर मोठ्या खुबीने असा काही सांगतात की भाविक हा महिमा ऐकून प्रत्यक्ष दर्शनाचा लाभ प्राप्त झाल्यासारखे सुखावतात. प्रत्येक संकष्टीला आवर्जून आठवणारे.. सुखावणारे.. मन प्रसन्न करणारे हे गीत.
🌹🌼🎼🌺🛕🌺🎼🌼🌹
स्वस्तिश्री गणनायकं गजमुखं मोरेश्वर सिद्धीदम्‌
बल्लाळं मुरुडं विनायकं मढं चिंतामणी थेवरम्‌
लेण्यांद्रिं गिरीजात्मजं सुवरदं विघ्नेश्वरं ओझरम्‌
ग्रामोरांजण स्वस्थित: गणपती कुर्यात्‌ सदा मंगलम्‌
जय गणपती गुणपती गजवदना
आज तुझी पूजा देवा गौरीनंदना
कुडी झाली देऊळ छान काळजात सिंहासन
काळजात सिंहासन मधोमधी गजानन
दोहीकडे रिद्धिसिद्धि उभ्या ललना
अष्टविनायका तुझा महिमा कसा
दर्शनाचा लाभ घ्यावा भक्तांनी असा
*.*
*.*
*.*
मोरया मोरया मंगलमूर्ती, मोरया मोरया मयुरेश्वरा मोरया
मोरया मोरया चिंतामणी मोरया, मोरया मोरया
सिद्धिविनायक मोरया मोरया मोरया महागणपती मोरया,
मोरया मोरया विघ्नेश्वरा मोरया
मोरया मोरया गिरिजात्मजा मोरया, मोरया मोरया
वरदविनायक मोरया मोरया मोरया बल्लाळेश्वर मोरया,
मोरया मोरया अष्टविनायक मोरया
🌹🎼🌹🔆🎶🔆🌹🎼🌹
गीत : जगदीश खेबूडकर
संगीत : अनिल-अरुण
स्वर : अनुराधा पौडवाल, जयवंत कुलकर्णी, शरद जांभेकर, चंद्रशेखर गाडगीळ, मल्लेश 🎤
चित्रपट : अष्टविनायक (१९७९)📺
विघ्नहर्ता सुखकर्ता गणपती बाप्पा तुमच्या सर्व मनोकामना पूर्ण करोत. हीच बाप्पांच्या चरणी प्रार्थना.. !!
‼️गणपती बाप्पा मोरया‼️
!! नियम पाळा, सुरक्षित रहा !!
🌹🙏सुमंगल प्रभात🙏🌹
___________________________________________
टिप : -{ लेख कसा वाटला कमेंट मध्ये नक्की कळवा }-
सदर लेख आवडल्यास नक्की शेअर करा ✅
टिप्पण्या
टिप्पणी पोस्ट करा