◾कविता :- एक फोन कर...

एक फोन कर...

खरचं यार बोललं की बरं वाटतं,

*खरचं आपलं कोणी आहे हे खरं वाटतं,*

*तुझं - माझं त्याचं याची होते चौकशी* 

*समजते सारी मंडळी आहेत कशी*

*फार नसतात हो लोकांच्या अपेक्षा,* 

*आपले कोणी आहे* 

*त्यांनी बोलावं मन भरून* 

*इतकीच असते इच्छा* 

*काहीही करतो फाॕरवर्ड आपण* 

*नसतो कधी काही संबंध* 

*त्यापेक्षा थेट फोन करून बोलावं ना,*

*अधिक जुळून येतील बंध* 

*कुठे माहिती आहे आपल्याला,*

*कोणी असेल एकटं* 

*भरून आलं असेल मन त्याचं* 

*बोलावं त्याला वाटतं* 

*नुसतेच लाईक कमेंंट* 

*या पलिकडे जोडलीत आपण नाती* 

*मैत्र जपलं पाहिजे* 

*त्यासाठी उजळल्या पाहिजेत ज्योती* 

*गेली कुणाची आई,*

*भाऊ गेला कुणाचा,*

*यार सखा, गेला मित्र,* 

*कुणाचे गेले असेल छत्र,*

*आपणही केवळ आहोत जिवंत* 

*त्यांच्या शिवाय नाही जगणे* 

*चल यार एक फोन करुया* 

*नाही बरे असे तुटक वागणे*

*संकटे येतील संकटे जातील* 

*धीर द्यायला हवा,*

*एकटेपणा काय असतो*

*कधी अनुभवून पहा*

*आपण लाकडी, लोखंडी*

*नाही आपण पुतळे,*

*आणि नाहीच आपण काळीज नसणारे केवळ मानवी सापळे*

*एक मोबाईल दोन दोन कार्डे*

*चोवीस तास चालू नेट* 

*फक्त ठरवा मनाशी आपल्या*

*आपल्या माणसाची होईल भेट*

*कोण कुणाला देऊन घेऊन* 

*कायम काही पुरत नाही,*

*माणसं निघून गेल्यावर* 

*मागे काही उरत नाही* 

*जाऊ दे ना, कधी काळी* 

*बोलला असेल काही,*

*दिला नसेल कधी जामीन* 

*दिली नसेल सही...*

*आता ती वेळ नाही* 

*आणि नको तो राग*

*माणूस आहे आपण* 

*माणसा सारखे वाग*

*त्याला असेल-नसेल गरज पैशाची,*

*कदाचित आपण करुही* 

*शकणार नाही मदत* 

*पत प्रतिष्ठा मोठेपणा* 

*सोडू थोडा अंहकार*

*नको काढत बसू* 

*मागचं सोडून दे ना यार!*

*जर वाटत असेल खरोखरच* 

*तर जरूर मनाशी एक धर,*

*आपलीच आहेत माणसं सारी* 

*निदान एक फोन कर,*

*निदान एक फोन कर....*

*मदत करण्याची नसेल माझी पात्रता*

*मदत मिळवून देण्याचा प्रयत्न असेल माझा*

 

(मी सध्या रोज  चार दोन माणसांशी  फोनवर बोलतो आहे. आपणही बोला; काळ कठीण आहे.  आणि हे गरजेचे आह़े. कारण हा माणूसकीचा ऑक्सिजन आहे.)

____________________________________________

टिप : -{ लेख कसा वाटला कमेंट मध्ये नक्की कळवा }- 

 सदर लेख आवडल्यास नक्की शेअर करा ✅