◾कविता :- जीजाऊच्या लेकी...

जीजाऊच्या लेकी

*****************

मावळे फक्त तेव्हाच होवून गेलेत शिवबाचे आता फक्त कावळे आहेत

ईथेतिथे सारे 

काळ्या नजरेचे बगळे आहेत

इतिहास घडवला तेव्हा

शिवबाच्या मावळ्यांनी

आणि रयेतेची इभ्रत सांभाळली

आताच्या कावळ्यांनी तर

माणूसकीच बाटवली

अरे दाढी वाढवून कोणीपण

शिवबा होत नसतो

गजर गर्जना करून कोणी शिवभक्त म्हटला जातनसतो

शिवबाच्या राज्यात तर

लेकीसुना सुरक्षित होत्या

आता जन्मला येणेही असुरक्षित आहे

स्त्री सन्मानाचे खोटे पुरावे देत आहे

कोणालाही कुठे 

एकटे जाता येत नाही

रक्षणाची हमी देता येत नाही

नाते रक्ताचे नसले म्हणून

छेडायचे नसते

माणूसकी नजरेतून बघायचे असते

परक्याच्या लेकीला हात लावताना 

आपल्याही बहिणबेटीचा विचार करायचा 

तिच्या पाठीशी उभा राहून

रक्षण करणाराच खरा शिवभक्त म्हणायचा

कारण हि भुमी छत्रपती शिवाजी महाराजांची भुमी आहे

ईथे प्रत्येक बहिण बेटी जपल्या पाहिजे

या जिजाऊच्या लेकीसुना

पुजल्यागेल्या पाहिजे

संजय धनगव्हाळ

९४२२८९२६१८