◼️ कविता :- नातं कोणतंही असो

 *नातं कोणतंही असो*

*मतभेद कितीही असो* 

*संबध तोडण्याची भाषा*  

*मुळीच कधी करू नये*

*प्रत्येक माणूस वेगळा* 

*विचारसरणी वेगळी*

*मनुष्य जन्मा तुझी* 

*कहाणीच आगळी-वेगळी* 

*बापा सारखा मुलगा नसतो* 

*मुला सारखी सून नसते*

*नवरा आणि बायकोचे तरी*

*कुठे तेवढे पटत असते ?*

*जरी नाही पटले तरी*

*गाडी मात्र हाकायची असते*

*अबोला धरून विभक्त होऊन*

*सार गणितं चुकायचे नसते*

*काही धरायचं असतं*

*काही सोडायचं असतं*

*एखाद्या वेळेस बिनसलं म्हणून* 

*एकमेकाला सोडायचं नसतं* 

*चुकल्यावर बोलावं*

*बोलल्यावर ऐकूण घ्यावं*

*एकांतात बसल्यावर*

*अंतरंगात डोकवावं*

*राग मनात ठेवला म्हणून*

*कोणाचं भलं झालं का ?*

*बिन फुलाच्या झाडा जवळ*

*पाखरूं कधी आलं का ?*

*समोरची व्यक्ती चुकली तरी* 

*प्रेम करता आलं पाहिजे* 

*झालं गेलं विसरून जाऊन* 

*गच्च मिठी मारली पाहिजे* 

*स्वागत होईल न होईल*

*जाणं येणं चालू ठेवल पाहिजे* 

*समोरचा जरी चुकला तरी* 

*म्हणा "खुशाल ठेव देवा त्याला !"*

*आयुष्य खूप छोटं आहे* 

*हां हां म्हणता संपुन जाईल*

*प्रेम करायचं राहिलं म्हणून*

*शेवटी खूप पश्चात्ताप होईल* 

*लक्षात ठेवा नात्या पेक्षा*

*दुसरं काहीही मोठं नाही*

*आपलं माणूस आपल्या  जवळ*  

*या सारखी श्रीमंती नाही !*

*➖सर्व नातलग आणि स्नेही मित्रांना समर्पित*

 🙏🏻😊

➖➖➖➖➖➖🔴➖➖➖➖➖➖

दररोज प्रेरणादायक माहिती वाचण्यासाठी खालील Whatsapp समुहा मध्ये सहभागी व्हा