◾कविता :- आली आली आषाढी वारी | aali aali ashadhi wari marathi poem | मंगेश शिवलाल बरई

'आली आली आषाढी वारी'

आनंदाची आषाढी वारी,

चला चला  जाऊया पंढरी,       || घ् ||

फुले जेथे भक्तीचा मळा,

विठु सावळा लावी लळा,

चला चला जावू भिमातिरी,

आली आली आषाढी वारी,                   || १ ||

लोहदंड क्षेत्री उभी पंढरी,

 आवतरली  चंद्रभागेतिरी,

पांडुरंग-रखुमाई उभे विटेवरी,

आली आली आषाढी वारी,                    || २ ||

मातृ  पितृ सेवेत असतां दंग,

जाहले प्रकट  पाहण्या पांडुरंग,

पुंडलिक नामाच्या भक्ताच्या दारी,      

आली आली आषाढी वारी,                    || ३ ||

धन्य धन्य तो विठु सावळा,

भरतो आषाढी  भक्तीचा सोहळा,

भक्तांना  त्यांच्या संकटी तारी,

चला चला जाऊया  पंढरी,                          || ४||

 

मंगेश शिवलाल बरई. 

हिरावाडी, पंचवटी, नाशिक -४२२००३.

_________________________________________

टिप : -{ लेख कसा वाटला कमेंट मध्ये नक्की कळवा }- 

 सदर लेख आवडल्यास नक्की शेअर करा ✅